На сцэне нашага тэатра 25 верасня выступяць артысты Гродзенскага абласнога драматычнага тэатра.
У 12 гадзін для юных гледачоў артысты з Гродна пазнаёмяць з казкай “Жылі-былі дзве лісічкі”. Падзеі ў спектаклі адбываюцца ў лесе. А галоўныя героі – звычайныя грыбы. Сярод іх ёсць і станоўчыя, і адмоўныя. І трэба ж такому здарыцца -- мухамор украў грыбка-“дажджавіка”. З-за гэтага ў лесе стала ўсё засыхаць. А як расці грыбам, калі няма дажджу? Вось і адпраўляюцца грыбы на пошукі і выратаванне “дажджавічка”. А што было далей – даведаюцца толькі тыя дзеткі і іх бацькі, якія паглядзяць спектакль.
Дарослых гледачоў у 17 гадзін парадуе камедыя па п’есе Мікалая Гогаля “Жаніцьба” у пастаноўцы Сяргея Яскевіча.
У горадзе, да краёў запоўненым ільдом, ад дзікага холаду знікла каханне. А тым часам маладая дзяўчына марыць аб ім, яна хоча выйсці замуж, ёй тэрмінова патрэбен жаніх. Здаецца, што менавіта гэта напоўніць жыццё новым сэнсам і яркімі фарбамі.
Кожны герой спектакля знаходзіцца на сваёй уласнай планеце: фінансаў, будаўніцтва, вышэйшага саслоўя, замежных моў... Толькі ніхто з іх не задумваецца пра сапраўдныя пачуцці і каханне…
Пра ўсё гэта ў прэм’ерным спектаклі “Жаніцьба”.
Запрашаем гледачоў на спектаклі Гродзенскага драмтэатра ў суботу, 25 верасня”. Білеты ўжо прадаюцца ў касе тэатра.
/12__png__png.png?srv=cms)
Версія для друку
